ትምህርት 1: ወቅታዊ ገበያዎን መረዳት
ፍቺ/ትርጉም
ወቅታዊ ገበያዎን መረዳት ማለት ነባር ደንበኞችዎ እነ ማን እንደሆኑ፣ ምርትዎን እንዴት እንደሚጠቀሙ፣ ምርቱን ከየት እንደሚገዙ እና የእርስዎን የምርት ምልክት ለምን ከሌሎች እንደመረጡ ማወቅ ነው፡፡
የትምህርቱ ዓላማዎች:
- ወቅታዊ ደንበኞችዎ እነ ማን እንደሆኑ መለየት፡፡
- የማብሰያ ምድጃዎን ወይም ንጹህ የማብሰያ ምርትዎን እንዴት እንደሚጠቀሙ መረዳት፡፡
- ምን እንደሚወዱና ምን ሊሻሻል እንደሚችል ማወቅ፡፡
ዋና ዋና የሚዳሰሱ ነጥቦች:
- ለፍተኛ የደንበኛ አይነቶችዎ ዝርዝር ያዘጋጁ (ለምሳሌ፡ የከተማ ቤተሰቦች፣ አነስተኛ የንግድ ድርጅቶች)፡፡
- የሚከተሉትን አይነት ጥያቄዎች ይጠይቁ: ይህን ምድጃ የሚጠቀሙት ለምንድን ነው? በየ ምን ያክል ጊዜ? ስለ ምድጃው ምን ያስባሉ?
- እንደ የደንበኛ ግብረ መልስ መስጫ ቅጾች ወይም ኢ-መደበኛ ቃለ መጠይቆች ያሉ ቀላል መሳሪያዎችን ይጠቀሙ፡፡
- ደንበኞችዎ በአሁኑ ወቅት ምርትዎን እንዴት እንደሚያገኙ በካርታ ያሳዩ፡፡
ትምህርት 2: አዲስ የደንበኛ ምድቦችን መለየት
ፍቺ/ትርጉም:
አዲስ የደንበኛ ምድቦችን መለየት ማለት በቦታ፣ የገቢ ደረጃ፣ የማገዶ ምርጫ ወይም የአጠቃቀም ልማዶች ላይ ተመስርቶ ያልተደረሱ የተጠቃሚ ቡድኖችን ማወቅ ነው፡፡
የትምህርቱ ዓላማዎች:
- ከአሁኑ ገበያዎ ባሻገር ያሉ የተለያዩ የዕጩ ተጠቃሚዎች አይነቶችን ማጥናት፡፡
- ኢላማ የሚያደርጓቸውን እጅግ ተስፋ ሰጪ የደንበኛ ቡድኖች መምረጥ፡፡
- መልዕክትዎን ወይም አቅርቦትዎን ለእነሱ ፍላጎቶች እንዲስማማ አድርጎ ማስማማት፡፡
ዋና ዋና የሚዳሰሱ ነጥቦች:
- ስለ የገጠር ማህበረሰቦች፣ ትምህርት ቤቶች፣ የጤና ማእከላት፣ የጎዳና ላይ የምግብ አቅራቢዎች፣ በሴቶች የሚመሩ የህብረት ሥራ ማህበራት ወይም ተቋማት ያስቡ፡፡
- የትኞቹ ቡድኖች በቤት ውስጥ የአየር መበከል እጅግ እንደሚጠቁ ወይም አብዛኛውን ወጪያቸውን ለማገዶ እንደሚያውሉ ያጥኑ፡፡
- የደንበኛ ምድብ በሚመርጡበት ወቅት የገቢ ደረጃዎችን፣ የምግብ አበሳሰል ልማዶችን እና የማገዶ መገኘትን ከግምት ውስጥ ያስገቡ፡፡
- ሙሉ ማስፋፊያ ከመተግበርዎ በፊት አነስተኛ የመጀመሪያ ሙከራዎች ለማድረግ ይሞክሩ፡፡
ትምህርት 3: የተፎካካሪ ትንተና ማካሄድ
ፍቺ/ትርጉም:
የተፎካካሪ ትንተና ማካሄድ ማለት ሌሎች ተመሳሳይ ምርቶችን የሚያቀርቡ የንግድ ድርጅቶችን መለየት እና እራስዎን በተሻለ አቋም ላይ ለማስቀመጥ ጠንካራና ደካማ ጎኖቻቸውን መረዳት ነው፡፡
የትምህርቱ ዓላማዎች:
- ዋና ዋና ተፎካካሪዎችዎ እነጀ ማን እንደሆኑ መዘርዘር፡፡
- ምን እንደሚያቀርቡና ዋጋቸው ስንት እንደሆነ መረዳት፡፡
- የእርዎን የንግድ ሥራ ልዩ ማድረግና የተሻለ ጥቅም ለማቅረብ የሚያስችሉ መንገዶችን መፈለግ፡፡
ዋና ዋና የሚዳሰሱ ነጥቦች:
- ተመሳሳይ ምርቶችን ለማግኘት የአካባቢ ሱቆችን ይጎብኙ፣ ደንበኞችን ያናግሩ ወይም ከኢንተርኔት ላይ ይፈልጉ፡፡
- የምርት ባህሪያትን፣ ዋጋን፣ ስርጭትን እና የገበያ ስትራቴጂዎችን ያነጻጽሩ፡፡
- ክፍተቶችን ይመልከቱ — ደንበኞች ያልረኩት በምን ላይ ነው?
- እንዴት ማሻሻል ወይም ለየት ያለ ነገር (ለምሳሌ፡ የተሻለ አገልግሎት፣ ዲዛይን ወይም የክፍያ አማራጮች) ማቅረብ እንደሚችሉ ይወስኑ፡፡
ትምህርት 4: ትክክለኛ የማከፋፈያ መንገዶችን መምረጥ
ፍቺ/ትርጉም:
ትክክለኛ የማከፋፈያ መንገዶችን መምረጥ ማለት ምርትዎን ለትኩረት ደንበኞችዎ ውጤታማ በሆነ መንገድና በተመጣጣኝ ዋጋ የሚያቀርቡባቸውን ምርጥ ዘዴዎች መምረጥ ነው፡፡
የትምህርቱ ዓላማዎች:
- ምርትዎን የሚያከፋፍሉባቸውን የተለያዩ መንገዶች ማወቅ፡፡
- በደንበኛ ምድብዎ ላይ ተመስርተው እጅግ ተስማሚ መንገዶችን መምረጥ፡፡
- ለረጅም ጊዜ ትብብር ድጋፍ የሚያደርጉ ትብብሮችን መመስረት፡፡
ዋና ዋና የሚዳሰሱ ነጥቦች:
- አማራጮች ቀጥተኛ ሽያጮችን፣ የችርቻሮ መደብሮችን፣ ኤንጂኦዎችን፣ ተንቀሳቃሽ አቅርቦትን ወይም ከአካባቢ ወኪሎች ጋር አብሮ መስራትን ያጠቃልላሉ፡፡
- የማከፋፈያ መንገዱን የትኩረት ደንበኞችዎ ከሚገዙበት መንገድ ጋር ያስማሙ – ለምሳሌ፡ የገጠር ደንበኞች የአካባቢ ሴት ሥራ ፈጣሪዎችን ወይም የመንደር ውስጥ ሱቆችን ሊመርጡ ይችላሉ፡፡
- በመጀመሪያ አንድ የማከፋፈያ መንገድ ይሞክሩና ከዚያም አንዴ ይህ መሳካቱን ካዩ በኋላ ያስፋፉ፡፡
- ጥራቱን የጠበቀ አገልግሎትን እና ከሽያጭ በኋላ ድጋፍን ለማረጋገጥ አከፋፋዮችን በጥሩ ሁኔታ ያሰልጥኑ፡፡
ትምህርት 5: የማስተዋወቂያ የማህበራዊ ትስስር ገጽ ግብይት
ፍቺ/ትርጉም:
የማህበራዊ ትስስር ገጽ ግብይት ማለት ታሪኮችን ለማጋራት፣ የምርትዎን ጥቅሞች ለማሳየት እና ከእጩ ደንበኞች ጋር ለመገናኘት እንደ ፌስቡክ፣ ኢንስታግራም፣ ዋትስ አፕ ወይም ዩቲዩብ ያሉ መድረኮችን መጠቀም ነው፡፡
የትምህርቱ ዓላማዎች:
- ለንግድ ሥራዎ መሰረታዊ የማህበራዊ ትስስር ገጽ መረጃዎች ማዘጋጀት፡፡
- ታሪክዎን የሚናገር እና ምርትዎ በተግባር ጥቅም ላይ ሲውል የሚያሳይ ይዘት ማዘጋጀት፡፡
- ደንበኞችን ማሳተፍ እና ምን እንደሚሰራ ማየት፡፡
ዋና ዋና የሚዳሰሱ ነጥቦች:
- ብዙ ኢትዮጵያውያን በየዕለቱ በሚጠቀሟቸው እንደ ፌስቡክ ወይም ዋትስ አፕ በመሳሰሉ ነጻ ፕላትፎርሞች ይጀምሩ፡፡
- ምድጃዎ እንዴት እንደሚሰራ ወይም በምርትዎ ደስተኛ የሆኑ ተጠቃሚዎች ምስክርነትን የሚያሳይ አጭር ቪዲዮ ያጋሩ፡፡
- በመደበኛነት ይለጥፉ እንዲሁም ለአስተያየቶች ወይም መልዕክቶች ምላሽ ይስጡ፡፡
- ለደንበኞችዎ በቀጥታ የሚናገሩ የአካባቢ ቋንቋዎችን እና የእይታ መርጃዎችን ይጠቀሙ፡፡
- ተሳትፎን እየተከታተሉ ምን ከፍተኛ ትኩረት እንዳገኘ መሰረት በማድረግ ስትራቴጂዎን ያስተካክሉ፡፡
ትምህርት 6: የደንበኛ ግብረ መልስን መከታተል
ፍቺ/ትርጉም:
የደንበኛ ግብረ መልስን መከታተል ማለት ቀጣይነት ባለው መልኩ ማሻሻያ ለማድረግ እንዲረዳዎ ከተጠቃሚዎች በምርትዎ ላይ ስላላቸው ተሞክሮ የተመለከተ መረጃ መሰብሰብና መተንተን ነው፡፡
የትምህርቱ ዓላማዎች:
- ከተጠቃሚዎች እንዴት ግብረ መልስ እንደሚሰበሰብ ማወቅ፡፡
- የደንበኞች አስተያየቶችን ማደራጀት እና መተንተን፡፡
- ምርትዎን፣ አገልግሎትዎን ወይም የግብይት ዘዴዎን ለማሻሻል አስተያየቶችን መጠቀም፡፡
ዋና ዋና የሚዳሰሱ ነጥቦች:
- በአቅርቦት፣ የክትትል ጉብኝቶች ወይም የዋትስ አፕ የዳሰሳ ጥናቶች ወቅት ጥያቄዎችን መጠየቅ፡፡
- ለተለመዱ ቅሬታዎች ወይም አስተያየቶች መዝገብ ማዘጋጀት፡፡
- በግብረ መልስ ላይ ተመስርቶ አነስተኛ ለውጦች ማድረግና ለውጡ መስራቱን መፈተሽ፡፡
በማሻሻያዎች መደሰትና አዎንታዊ ውጤቶችን ለቡድንዎና አጋሮችዎ ማጋራት፡፡