ይህ መመሪያ ወሳኝ የሥራ ፈጣሪነት ክህሎቶችን በራስዎ ፍጥነት እንዲያጎለብቱ ያግዝዎታል፡፡ እያንዳንዱ ደረጃ በንጹህ የማብሰያ ዘርፍ ውስጥ እንደ መስራች ለመማር፣ ለመተግበር እና ለማደግ ሊወስዷቸው የሚችሏቸውን የተግባር ድርጊቶችን ይይዛሉ፡፡

ደረጃ 1: ራዕይዎን እና ግቦችዎን ማዘጋጀት

ምን እንደሚማሩ:

የግል እና የንግድ ስራ ራዕይዎን እንዴት በግልጽ እንደሚገልጹ፣ እንዴት ትርጉም ያላቸው ግቦችን እንደሚወስኑ እና ግቦቹን እንዴት ትርጉም ወዳላቸው ደረጃዎች እንደሚከፋፍሉ ይማራሉ፡፡

ይህን እንዴት እንደሚያደርጉ:

1. በገለጻ ይጀምሩ: እራስዎን “ይህን የንግድ ስራ የጀመርኩት ለምንድን ነው?” ብለው ይጠይቁ፡፡ መልስዎን ይጻፉ፡፡
2. የረጅም ጊዜ ራዕይዎን ይግለጹ: ወደፊት ከ5–10 ዓመታት አሻግረው ይመልከቱ፡፡ ለማምጣት የሚፈልጉት ምን ውጤት ነው?
3. የSMART ግቦች ያዘጋጁ: ዓላማ ተኮር፣ ሊለኩ የሚችሉ፣ ሊሳኩ የሚችሉ፣ ተገቢ እና በጊዜ የተገደቡ መሆናቸውን ያረጋግጡ፡፡
4. ግቦችን በመለኪያዎች ይከፋፍሉ: ትላልቅ ግቦችን ወደ ትናንሽ፣ ወርሀዊ ወይም የዕሩብ ዓመት ኢላማዎች ይከፋፍሉ፡፡
5. በየሳምንቱ ይገምግሙ: ወደ ግቦችዎ እየሄዱ መሆኑን ያረጋግጡ እና እንደ አስፈላጊነቱ ማስተካከያ ያድርጉ፡፡

ደረጃ 2: ጊዜዎን መጠቀም እና ለስራዎች ቅደም ተከተል መስጠት

ምን እንደሚማሩ:

ጊዜዎን እንዴት በጥሩ ሁኔታ እንደሚጠቀሙ፣ እንዴት እጅግ በሚጠቅሙ ጉዳዮች ላይ እንደሚያተኩሩ እና እንዴት እረፍት በማይሰጥ ስራ ላይ ሙጭጭ ማለትን እንደሚተዉ ይማራሉ፡፡

ይህን እንዴት እንደሚያደርጉ:

1. ሳምንታዊ የዕቅድ ማዘጋጃ ይጠቀሙ: በእያንዳንዱ ሳምንት መጀመሪያ ከ3–5 ቅድሚያ የሚሰጣቸው ቅደም ተከተሎችን ይዘርዝሩ፡፡
2. የአስቸኳይ እና አስፈላጊ ማትሪክስን ይተግብሩ፡ የትኞቹን ስራዎች አሁን፣ ቆይተው እንደሚሰሩ፣ እንደሚመድቡ ወይም እንደሚተዉ ይወስኑ፡፡
3. የቀንዎን ሰዓቶች ይከፋፍሉ: ከፍተኛ ቅድሚያ ለሚሰጠው ስራ፣ ስብሰባዎች እና ለእረፍት የተወሰኑ ሰዓቶችን ይመድቡ፡፡
4. መረበሾችን ያስቀሩ: ትኩረት በሚሰጡባቸው የስራ ሰዓቶች ማስታወቂያዎችን ያጥፉ፡፡
5. ጊዜዎን ይከታተሉ: ከሳምንት በኋላ ጊዜዎን እንዴት እንደተጠቀሙ ይገምግሙ እና ለቀጣዩ ሳምንት ያሻሽሉ፡፡

ደረጃ 3: ዝግጁነትና የአእምሮ ጥንካሬን ማጎልበት

ምን እንደሚማሩ:

ነገሮች ከባድ እየከበዱ በሚሄዱበት ወቅት – ለምሳሌ ተቀባይነት ማጣት፣ መዘግየቶች ወይም እንቅፋቶች ሲያጋጥሙዎ በብርታት የሚቀጥሉበትን የውስጥ ትንካሬ ያጎለብታሉ፡፡

ይህን እንዴት እንደሚያደርጉ:

1. የዕለት ከእለት ገለጻ ይለማመዱ: በቀኑ መጨረሻ ላይ “ምን በጥሩ ሁኔታ ተካሄደ? ምን ላሻሽል እችላለሁ?”ብለው የሚጠይቁበት 5 ደቂቃዎች ይስጡ፡፡
2. ውድቀቶችን ወደ መማሪያነት ይቀይሩ: የሆነ ነገር እንዳቀዱት ካልሄደልዎ “ከዚህ ምን ተማርኩ?” ብለው ይጠይቁ፡፡
3. የድጋፍ ኔትወርክ ያጎልብቱ: አማካሪዎች ይፈልጉ፣ የመስራች ቡድኖችን ይቀላቀሉ ወይም አጋር ስራ ፈጣሪዎችን ያነጋግሩ፡፡
4. ጤናዎን ይንከባከቡ: በአግባቡ ይመገቡ፣ በየዕለቱ ይንቀሳቀሱ እንዲሁም ብርታት ለማግኘት አጭር እረፍቶች ይውሰዱ፡፡
5. በትንሽ አሸናፊነት ይደሰቱ: አንድ አስፈላጊ ስራን ማጠናቀቅም እንኳን ዋጋ ሊሰጠው ይገባል፡፡

ደረጃ 4: የእድገት አስተሳሰብ መላበስ

ምን እንደሚማሩ:

ፈተናዎች እንዴት እንደ እንቅፋቶች ሳይሆን እንደ ማደጊያ እድሎች እንደሚያዩ ይማራሉ፡፡ ይህ አስተሳሰብ አዳዲስ ነገሮችን ለመሞከር ጉጉት ኖርዎት፣ ክፍትና ዝግጁ ሆነው እንዲቀጥሉ ይረዳዎታል፡፡

ይህን እንዴት እንደሚያደርጉ:

1. በመደበኛነት ግብረ መልስ ይጠይቁ: ደንበኞችን፣ አጋሮችን ወይም የቡድን አባላትን ምን ማሻሻል እንደሚችሉ ይጠይቁ፡፡
2. ትናንሽ ሙከራዎችን ይሞክሩ: እንደ የተለየ የምድጃ ዲዛይን ወይም የገበያ መልዕክት ያሉ አዳዲስ ሀሳቦችን ይሞክሩ፡፡
3. ቀጣይነት ባለው መልኩ ይማሩ: ከስራ ፈጠራ ጋር ተያያዥነት ያላቸው መጽሀፎች ያንብቡ፣ ነጻ የኦንላይን ትምህርቶች ይውሰዱ፣ ወይም ቪዲዮዎች ይመልከቱ፡፡
4. ለለውጥ ዝግጁ ይሁኑ: አንድ ነገር ካልሰራልዎት ከመተው ይልቅ አቀራረብዎን ይቀይሩ፡፡
5. ጉዞዎን ያጋሩ: ምን እንደተማሩ ከሌሎች ጋር ይነጋገሩ – ይህ በፍጥነት እንዲያድጉ ይረዳዎታል፡፡

ደረጃ 5: እርግጠኛ ባልሆኑበት ሁኔታ ውስጥ ውሳኔ ማሳለፍ

ምን እንደሚማሩ:

ሁሉም መረጃ ባይኖርዎትም እንኳ ውሳኔዎችን የሚያሳልፉበት በራስ መተማመን ያገኛሉ፡፡

ይህን እንዴት እንደሚያደርጉ:

1. የSWOT ትንተና ይጠቀሙ: ውሳኔ ከማሳለፍዎ በፊት ጠንካራ ጎኖችዎን፣ ደካማ ጎኖችዎን፣ እድሎችና ስጋቶችን ይዘርዝሩ፡፡
2. አስተያየቶች ይጠይቁ: የተለያዩ ሀሳቦችን ለማግኘት ከአማካሪ ወይም የሚያምኗቸው ጓደኞችዎ ጋር ይመካከሩ፡፡
3. ጥቅሞችና ጉዳቶችን ይዘርዝሩ: እያንዳንዱ አማራጭ ሊያስገኝ የሚችላቸውን ውጤቶች ይጻፉ፡፡
4. በጊዜ ሰሌዳ ውስጥ ይወስኑ: በጣም ረጅም ጊዜ አይጠብቁ—ለራስዎ የጠሚመርጡበት ጊዜ ገደብ ያስቀምጡ፡፡
5. ከውሳኔ በኋላ ይግለጹ: እራስዎን “ተመሳሳዩን በድጋሚ ማድረግ እችላለሁ?” ብለው ይጠይቁ፡፡

ደረጃ 6: በግልጽ ግንኙነት ያድርጉ

ምን እንደሚማሩ:

ሌሎች ሰዎችን ተልዕኮዎን እንዲረዱ፣ እንዲያምኑዎ እና ለስራዎ ድጋፍ እንዲያደርጉልዎ ለማድረግ እንዴት ታሪክዎን በግልጽ እንደሚነግሩ ይማራሉ፡፡

ይህን እንዴት እንደሚያደርጉ:

1. አድማጮችዎን ይወቁ: የሚያናግሩት ባለሀብቶችን ነው፣ ደንበኞችዎን ነው ወይም የመንግስት ባለስልጣናትን? መልዕክትዎን ያስማሙ፡፡
2. እውነተኛ ታሪኮችን ይናገሩ: የማብሰያ ምድጃዎችዎ ለቤተሰቦች እንደሚጠቅሙ ይናገሩ—ይህ መልዕክትዎን ጠንካራ ያደርግልዎታል፡፡
3. ግልጽና አጭር ያድርጉ: ሙያዊ ቃላትን አይጠቀሙ፡፡ በቀላሉና በራስ መተማመን ይናገሩ፡፡
4. ፍጥነትዎን ይለማመዱ: ዋና ዋና ነጥቦችዎን ድምጽዎን ከፍ አድርገው ይናገሩ፡፡
5. ግብረ መልስ ይጠይቁ: እራስዎን ይቅረጹ ወይም ከጓደኛ ጋር ይለማመዱ እና በሚሰጡዎ ግብዓት ላይ ተመስርተው ያሻሽሉ፡፡

ደረጃ 7: ትስስሮችና ግንኙነቶችን ማጎልበት

ምን እንደሚማሩ:

የንግድ ስራዎ እንዲያድግ ሊረዱዎ ከሚችሉ እንደ አጋሮች፣ ባለሀብቶችና ድጋፍ አድራጊዎች ጋር እንዴት ግንኙነት እንደሚፈጥሩ ይማራሉ፡፡

ምን እንደሚያደርጉ:

1. ዝግጅቶች ላይ ይሳተፉ: የአካባቢ የጀማሪዎች ስብሰባዎችን፣ የንጹህ ማብሰያ መድረኮችን ወይም አውደ ጥናቶችን ይቀላቀሉ፡፡
2. ክትትል ያድርጉ: ከአንድ ሰው ጋር ግንኙነት ከፈጠሩ በኋላ ለማመስገን የጓደኝነት መልእክት ይላኩ እና ግንኙነቱ እንዲቀጥል ሀሳብ ያቅርቡ፡፡
3. በመጀመሪያ ዋጋ ይስጡ: እርዳታ ከመጠየቅዎ በፊት ሌሎችን ይርዱ—ጠቃሚ መረጃ ያጋሩ፣ ከሌሎች ሰዎች ጋር ያስተዋውቁ፣ ወዘተ፡፡
4. የኦንላይን ማህበረሰቦችን ይቀላቀሉ: የስራ ፈጣሪዎች የፌስቡክ ቡድኖች፣ የሊንክድ ኢን ገጾች ወይም የዋትስ አፕ ኔትወርኮች ይፈልጉ፡፡
5. ግንኙነቶችን ሞቅ ያሉ ያድርጉ: ግንኙነትዎን ለመቀጠል በየ ጥቂት ሳምንታት ውስጥ መልዕክት ይላኩ፡፡

ደረጃ 8: ቡድንዎን መሰየም እና መምራት

ምን እንደሚማሩ:

እንዴት ከሌሎች ጋር እንደሚሰሩ፣ ስራዎችን በብልሀት እንደሚመድቡ እና ተነሻሽነት ያለው ቡድን እንደሚፈጥሩ ይማራሉ፡፡

ይህን እንዴት እንደሚያደርጉ:

1. የስራ ድርሻዎችን ይለዩ: ምን ስራዎች ለምርት፣ ሽያጭ፣ አቅርቦት፣ ወዘተ እንደሚረዱ ይወስኑ፡፡
2. ክህሎቶችን ከስራዎች ጋር ያዛምዱ: ጥንካሬያቸው ለስራዎ ተስማሚ የሆነ ሰዎችን ይቅጠሩ ወይም በትብብር ይስሩ፡፡
3. ግልጽ መመሪያዎች ይስጡ: ምን መሰራት እንዳለበት፣ እንዴት እና በማን እንደሚሰራ ያብራሩ፡፡
4. በመደበኛነት ያረጋግጡ: አካሄድን ለመከታተል እና ድጋፍ ለማድረግ አጭር ስብሰባዎችን ያዘጋጁ፡፡
5. ጥረትን ያድንቁ: ለጥሩ ስራ እውቅና በመስጠት ስኬቶችን በጋራ ይዘክሩ፡፡

ደረጃ 9: ችግሮች እና አለመግባባቶችን መፍታት

ምን እንደሚማሩ:

ነገሮች እንደታቀደው ካልሄዱ እንዴት አለመግባባቶችና ችግሮችን በፈጠራ እንደሚፈቱ ይማራሉ፡፡

ይህን እንዴት እንደሚያደርጉ:

1. በጥንቃቄ ያዳምጡ: አለመግባባት ሲፈጠር እያንዳንዱን ወገን ጣልቃ ሳይገቡ ያዳምጡ፡፡
2. ስረ መንስኤውን ይግኙ: የጉዳዩን ስረ መንስኤ ለማወቅ እንደ “ይህ ለምን ተከሰተ?” ያሉ ጥያቄዎችን ደጋግመው ይጠይቁ፡፡
3. መፍትሄዎችን በጋራ ያስቡ: ቡድኑን ስለ ወደፊት ሀሳብ እንዲሰጥዎ ይጋብዙ፡፡
4. ተመራጩን መፍትሄ ይምረጡ: በጥቅሞችና ጉዳቶች ላይ ይወያዩ እና በዕቅድ ላይ ይስማሙ፡፡
5. ይከታተሉ: መፍትሄው እንዴት እንደሰራ ይመልከቱ እና እንደ አስፈላጊነቱ ማስተካከያ ያድርጉ፡፡